Nënshkruhet Memorandum Bashkëpunimi në mes tri Institucioneve Shtetërore

Image may contain: 3 people, people sitting and indoor   Dogana e Kosovës, Agjencia e Ushqimit dhe Veterinarisë si dhe Agjencia e Kosovës për Produkte Medicinale, nënshkruan sot një Memorandum Bashkëpunimi, përfaqësuar nga krerët e këtyre 3 Institucioneve, Z.Lulzim Rafuna, Drejtor i Përgjithshëm i Doganës së Kosovës, z. Valdet Gjinovci, Kryeshef i AVUK-ut si dhe z.Jeton Shala, Kryeshef Ekzekutiv i AKPPM-së. Qëllimi i këtij Memorandumi është forcimi i bashkëpunimit, shkëmbimit të informatave dhe përvojave ndërmjet palëve për të siguruar mbikëqyrjen dhe kontrollin më efikas të mallrave të importit dhe eksportit, në dhe nga territori doganor i Republikës së Kosovës me qëllim të thjeshtësimit të procedurave, si dhe lehtësimin e lëvizjes së lirë të mallrave. Gjatë ushtrimit të bashkëpunimit të tyre palët do t’ i komunikojnë njëri tjetrit të dhënat që kërkohen për thjeshtësimin e procedurave për lehtësim të tregtisë dhe lëvizjes së lirë të mallrave. Palët, ndërmarrin veprime që në mënyrë periodike të përditësojnë listën e mallrave që i nënshtrohen inspektimit nga autoritetet respektive, përfshirë edhe dokumentet obligative që i shoqërojnë këto mallra. Palët marrin obligim që të njoftojnë njëra tjetrën për mallrat që priten të arrijnë dhe për ato që gjenden në tregun e Republikës se Kosovës, të cilat nuk janë ose dyshohet se janë në pajtim me legjislacionin Brenda 15 ditëve nga data e hyrjes në fuqi e këtij Memorandumi, palët caktojnë zyrtarët e tyre kontaktues. Shkëmbimi i të dhënave duhet të bëhet në kohë reale, duke përdorur formatin, formën dhe standardin e komunikimit të ofruar siç parashihet në Shtojcat e Bashkëpunimit Teknik të këtij |Memorandumi. Objekt i shkëmbimit nuk mund të jenë të dhënat dhe informatat të cilat Dogana e Kosovës ka marrë obligim nga ligji dhe marrëveshjet ndërkombëtare që ti mbroj dhe ti përdorë për qëllime të veta. Shkëmbimi i të dhënave të realizuara nga palët, ndërmjet Republikës së Kosovës dhe palëve tjera të CEFTA-së do të administrohet dhe realizohet nga Dogana e Kosovës. Mbështetja teknike do të realizohet nga burimet e teknologjisë informative në dispozicion të palëve dhe/ose burimet tjera të siguruara nga buxheti i institucionit përkatës apo donatorëve. Palët bashkëpunojnë në përgatitjen e të gjitha të dhënave që nevojiten për kryerjen e analizave të rrezikut dhe aktiviteteve tjera, që mund të përmirësojnë vëzhgimin dhe identifikimin në fushat përkatëse. Njësitë respektive të inspektimit obligohen të njoftojnë njëra tjetrën për mallrat që referohen në paragrafin 1 të këtij neni, e të cilat paraqesin rrezik ose nuk i përmbushin kërkesat ligjore, Dogana e Kosovës duhet të njoftoj institucionet përgjegjëse palë të këtij Memorandumi për mallrat që referohen në paragrafin 1 të këtij neni, bazuar në informatat e pranuara, sapo që ato të jenë identifikuar gjatë procedurave doganore, përfshirë edhe informatat e marra nga administratat doganore të shteteve tjera, brenda shkëmbimit të lejuar të atyre të dhënave. Palët shkëmbejnë informata mbi rezultatet e aktiviteteve të ndërmarra si rezultat i këtij bashkëpunimi dhe përgatisin raporte dhe analiza përkatëse.        

More

Akreditohet Laboratori i Kontrollit të Cilësisë se Produkteve Medicinale

Image may contain: 5 people, suit

 

Pas përmbushjes së të gjitha kërkesave dhe rekomandimeve nga Departamenti i Akreditimit të Kosovës për plotësim të standardit 17025, sot në Agjencinë e Kosovës për Produkte dhe Pajisje Medicinale, zyrtarisht u bë akreditimi i Laboratorit të Kontrollit të Cilësisë, me ç’rast Drejtori i departamentit të Akreditimit të Kosovës, Osman Hajdini i dorëzoi Kryeshefit Shala, Çertifikatën e akreditimit. Të pranishëm në këtë ngjarje ishin edhe Kryeministri i Republikës së Kosovës, Isa Mustafa, Ministri i Shëndetësisë, Imet Rrahmani si dhe Ministrja e Tregtisë dhe Industrisë, Hykmete Bajrami, të cilët fillimisht i bën vizitë Laboratorit, ku nga Drejtori Lufti Mulaku, u njoftuan me punën që bëhet në secilin sektor të këtij Laboratori. Me këtë rast kryeshefi ekzekutiv i AKPPM-së, Jeton Shala, theksoi se ky është vërtetim i punës cilësore që bëhet në këtë Laborator, pasi që, analiza e produkteve farmaceutike që qarkullojnë në Kosovë, edhe në të kaluarën është bërë me një vigjilencë të shtuar. “Edhe në të kaluarën, por sidomos tani pas dritës së gjelbër që na është dhënë nga Departamenti i Akreditimit të Kosovës, që Laboratori ynë të akreditohet, qytetarët e Republikës së Kosovës më shumë se asnjëherë tjetër duhet të kenë besim në produktet që ata konsumojnë, pasi sinjali pozitiv i këtij institucioni i cili kërkon kritere të shumta për plotësimin e standardeve, tregon që Laboratori ynë plotëson të gjitha kriteret e parapara për të bërë analizën e kontrollit të cilësisë së barnave”, tha mes tjerash kryeshefi Shala. Ai poashtu shpalosi sukseset tjera që e kanë karakterizuar AKPPM-në gjatë këtij 3 mujori, siç janë aprovimi i rregullores së brendëshme të AKPPM-së dhe Organogramit të saj nga Ministria e Administratës Publike, Funksionalizimi i Sistemit Online”Barnatari”. Me këtë rast, Kryeministri Isa Mustafa, përgëzoi Kryeshefin Jeton Shala dhe stafin profesional të LKC-së si dhe AKPPM-në në përgjithësi për punën e tyre të palodhëshme në jetësimin e këtij suksesi, siç e quajti ai, jetik për të gjithë qytetarët e Republikës së Kosovës. Edhe për Ministrin e Shëndetësisë, Imet Rrahmani kjo është një e arritur e madhe, pasi siç tha ai, përmes akreditimit të këtij Laboratori, po dëshmohet zyrtarisht që nga këtu dalin produkte cilësore farmaceutike.

More

Njoftim

Njoftojmë Qarkulluesit farmaceutik me pakicë që operojnë në Republikën e Kosovës se, bartësi i Autorizimit për Marketingut PharmaS Ltd ka njoftuar AKPPM-në se Klavo Phar 875/125 mg-tabletë e mbështjellur me seritë KTABV0015,KTABV0016 dhe KTABV0017 me afat të skadence 05/2018 nuk i plotëson standardet e deklaruara pranë Departamentit të Autorizimit për Marketing. Prandaj ju njoftojmë që këto seri të produktit të lartëcekur të mos tregtohen më tutje, por të tërhiqen nga tregu duke ju kthyer Qarkulluesit Farmaceutik me Shumicë prej të cilit janë furnizuar . Për informacione të mëtutjeshme, ju lutem mos hezitoni të na kontaktoni.

More

Fillon së funskonuari sistemi online Barnatari

Pas një pune të gjatë dhe përgatitjeve të shumta, nga sot, 04 prill ka hyrë në funksion sistemi informativ për aplikim për licenca në AKPPM, Barnatari.
Fillimisht do të startohet me pjesën e Importit dhe Eksportit të Produkteve dhe Pajisjeve Medicinale, ndërsa në javët në vijim do të vazhdohet me licencimin e veprimtarive dhe me autorizimin për marketing.
Në sistem mund të qaseni përmes adresës http://barnatari.rks-gov.net.
Për asistencë mund të kontaktoni:
Për aprovim të llogarive të sistemit Barnatari, kontaktoni numrin 038 200 24 277.
Për produkte medicinale dhe autorizime për marketing, kontaktoni numrin 038 200 24 233.
Për çështje të fletëpagesave dhe pyetje të tjera të pagesave të tarifave, kontaktoni numrin 038 200 24 240.
Për çështje teknike të sistemit Barnatari,kontaktoni numrin 038 200 24 265.
Për çfarëdo asistence tjetër, mund të na kontaktoni përmes kësaj e-mail adrese (barnatari@rks-gov.net).

More

Kryeshefi Shala flet për rastin Shkreli

Kryeshefi ekzekutiv i AKPPM-së, Pharm-D Jeton Shala gjatë intervistës së sotme në emisionin e mëngjesit në RTK, zbuloi shumë të pathëna për rastin e shumë përfolur dhe aktual që bëri bujë në SHBA dhe jo vetëm e shqiptaro-amerikanit, Martin Shkreli. Në cilësinë e doktorit të farmacisë, Kryeshefi Shala dha opinionin e tij profesional përkitazi me këtë personazh i cili u bë shumë i njohur për opinionin gjithandej nëpër botë duke ngritë marramendësisht çmimin e një produkti medicinal, i cili rast ngjalli zemërim të madh tek populli amerikan. image-807327656e07e92b3605541a0564c0f6a34d0b49bba70e2e3a30a86ec38c5a31-V

More